ഗർഭാശയമുഴ പേടിക്കേണ്ടതുണ്ടോ Symptoms and Treatment

സ്ത്രീകളിൽ ഗർഭപാത്രത്തിൽ ഉടലെടുക്കുന്ന മുഴയാണ് നാം യൂട്ടറൈൻ ഫൈബ്രോയ്ഡ് എന്ന് പറയുന്നത്. ഇത് ഒന്നോ ഒന്നിൽ കൂടുതലോ ഉണ്ടാവാം. മാത്രമല്ല വളരെ ചെറുത് മുതൽ വളരെ വലിയ സൈസിൽ വരെ ഇവ കാണപ്പെടാറുണ്ട്.

ഗർഭാശയമുഴയിൽ ഏറിയ പങ്കും (ഏകദേശം 95% ഫൈബ്രോയ്ഡുകളും) ക്യാൻസർ ആകാനുള്ള സാധ്യത ഇല്ലാത്തവയാണ്. വെറും 5% മാത്രം കൂടുതൽ വലിപ്പം വെക്കുകയും ഭാവിയിൽ പ്രശ്നങ്ങൾ ഉണ്ടാക്കാനും മറ്റു രോഗങ്ങളിലേക്ക് നയിക്കാനും സാധ്യത ഉള്ളവയുമാണ്. സ്ത്രീകളിൽ ഈസ്ട്രജൻ ഹോർമോൺ ശരീരത്തിൽ കൂടി ഇരിക്കുന്ന സമയത്താണ് ഫൈബ്രോയ്ഡുകൾ കൂടുതലായി കാണപ്പെടാറ്. പ്രത്യേകിച്ചും 15 വയസ്സു മുതൽ 55 വയസ്സുവരെയുള്ള സ്ത്രീകളിലാണ് ഫൈബ്രോയ്ഡ് മുഴകൾ വളരെ കോമൺ ആയി കാണുന്നത് . ഈ സമയത്താണ് ഈസ്ട്രജനും ആയി സ്ത്രീ ശരീരം കൂടുതൽ സമ്പർക്കത്തിൽ ഉണ്ടാവുന്നത് അതുകൊണ്ടു തന്നെ ഇത്തരം മുഴകൾ ആർത്തവവിരാമത്തിനു (menopause) ശേഷം ചുരുങ്ങുകയാണ് പതിവ്. വളരെ കുറച്ച് ലക്ഷണങ്ങൾ മാത്രം കാണിക്കുന്ന ഫൈബ്രോയ്ഡുകൾ ഉണ്ട് അതു കൊണ്ടു തന്നെ ഇവ നാം തിരിച്ചറിയാൻ വൈകി പോകുന്ന അവസ്ഥ കാണാറുണ്ട്. ഫൈബ്രോയ്ഡ് മുഴ ഉള്ള അവസ്ഥയിൽ സ്ത്രീകളിൽ കാണുന്ന ചില ലക്ഷണങ്ങൾ നമുക്ക് ഒന്ന് നോക്കാം.